ഗുരുവായൂര്‍: ഗുരുവായൂര്‍ തിരുവനന്തപുരം ഇന്റര്‍സിറ്റി എക്സ്പ്രസ്് ലാഭകരമാക്കാന്‍ ഗുരുവായൂരില്‍ നിന്ന് പുറപ്പെടുന്ന സമയത്തില്‍ മാറ്റം വരുത്തണമെന്ന് കോസ്റ്റല്‍ റെയില്‍വെ ഡവലപ്മെന്റ് ആക്ഷണ്‍ കൌണ്‍സില്‍ ആവശ്യപ്പെട്ടു. സമയം പുലര്‍ച്ചെ നാലിലേക്ക് മാറ്റിയാല്‍ നിര്‍മ്മാല്യവും, വാകച്ചാര്‍ത്തും ദര്‍ശിച്ചു പോകുന്ന ഭക്തര്‍ക്ക് ഈ ട്രെയിന്‍ കൂടുതല്‍ ഉപകാരപ്രദമാവുകയും അതു വഴി ഈ സര്‍വ്വീസ് ലാഭകരമാക്കാന്‍ സഹായിക്കുമെന്നും ആക്ഷണ്‍ കൌണ്‍സില്‍ അഭിപ്രായപ്പെട്ടു. ജനറല്‍ കണ്‍വീനര്‍ കെ ജി സുകുമാരന്‍ മാസ്റ്റര്‍ അധ്യക്ഷത വഹിച്ചു.